Home | Index of Singers Begum Akhtar Page

Khayaal-e-kaabaa-o-taibaa mai.n kis tarah bhuuluu.N
Taskeen Qureshi


Khayaal-e-kaabaa-o-taibaa mai.n kis tarah bhuuluu.N 
ye zindagii kaa sahaaraa mai.n kis tarah bhuuluu.N 

gunaah_gaaro.n se ahakaaro.n kam nasiib sahii 
Gulaam huu.N dar-e-aakaa mai.n kis tarah buuluu.N 

bahaar-e-subah-e-haram kyo.n na mujhe yaad aaye.n 
savaad-e-shaam-e-madiinaa mai.n kis tarah bhuuluu.N 

maze uThaaye hai.n izhaar-e-dard-e-dil ke jahaa.N 
vo ashk-o-aah kii duniyaa mai.n kis tarah bhuuluu.N 

hazaar beKhudi-e-shauq ho.n magar 'Taskeen'
Khud apane dil kaa fasaanaa mai.n kis tarah bhuuluu.N 

Available in Album(s):
Rare Gems

Home | Index of Singers Begum Akhtar Page
Maintained by Nita Awatramani
URL: http://www.ghazalsingers.com
Last updated on: 20th June, 2001