Home | Index of Singers Begum Akhtar Page

sab kahaa.N kuchh laalaa-o-gul me.n numaayaa.N ho ga_ii.n
Mirza Ghalib


sab kahaa.N kuchh laalaa-o-gul me.n numaayaa.N ho ga_ii.n 
Khaak me.n kyaa suurate.n ho.ngii ki pinhaa.N ho ga_ii.n 

yaad thii ham ko bhii rangaa rang bazm_aaraaiiyaa.N 
lekin ab naqsh-o-nigaar-e-taaq-e-nisiyaa.N ho ga_ii.n 

[rangaa rang bazm_aaraaiiyaa.N = decorations] 
[naqsh-o-nigaar = flowery decorations; taaq-e-nisiyaa.N = forgotten shelf] 

ham muvahihad hai.n hamaaraa kesh hai tark-e-ruusuum 
millate.n jab miT ga_ii.n ajzaa-e-iimaa.N ho ga_ii.n 

[muvahihad = believer in one God; kesh = religion] 
[tark-e-ruusuum = departure from traditional practices] 
[millate.n = community; ajzaa-e-iimaa.N = part of religion] 

niind us kii hai dimaaG us kaa hai raate.n us kii hai.n 
terii zulfe.n jis ke baazuu par parishaa.N ho ga_ii.n 

ranj se Khuugar huaa insaa.N to miT jaataa hai ranj 
mushkile.n mujh par pa.Dii itanii ke aasaa.N ho ga_ii.n 

[Khuugar = used to] 

Available in Album(s):
Rare Gems

Home | Index of Singers Begum Akhtar Page
Maintained by Nita Awatramani
URL: http://www.ghazalsingers.com
Last updated on: 20th June, 2001