gul phe.nke hai Gairo.n kii taraf balqe samar bhii
Mohammed Rafi Sauda

gul phe.nke hai Gairo.n kii taraf balqe samar bhii 
hai Khaanaa bar_andaaz-e-chaman kuchh to idhar bhii 

kyaa zid hai Khudaa jaaniye mujh saath vagarnaa 
kaafii hai tasallii ko merii ek nazar bhii 

kis hastii-e-mauhuum pe naazaa.N hai tuu ai yaar 
kuchh apane shab-o-roz kii hai tujh ko Khabar bhii 

tanhaa tere maatam me.n nahii.n shaam se aah_posh 
rahataa hai sadaa chaak garebaan-e-sahar bhii