ye na thii hamaarii kismat ki visaal-e-yaar hotaa
Mirza Ghalib

ye na thii hamaarii kismat ki visaal-e-yaar hotaa 
agar aur jiite rahate yahii intazaar hotaa 

koii mere dil se puuchhe tere tiir-e-niim_kash ko 
ye Khalish kahaa.N se hotii jo jigar ke paar hotaa 

[tiir-e-niim_kash = half drawn arrow; Khalish = pain] 

ye kahaa.N kii dostii hai ke bane hai.n dost naaseh 
ko_ii chaaraasaaz hotaa ko_ii Gam_gusaar hotaa 

[naaseh = counselor; chaarasaaz = healer]
[Gam_gusaar = sympathiizer] 

kahuu.N kis se mai.n ke kyaa hai shab-e-Gam burii balaa hai 
mujhe kyaa buraa thaa maranaa agar ek baar hotaa 

ye masaa_il-e-tasavvuf, ye teraa bayaan 'Ghalib' 
tujhe ham valii samajhate jo na baadaa_Khvaar hotaa 

[masaa_il = topics; tasavvuf = mysticism]
[valii = prince/friend, baadaa_Khvaar = drinker]