Home | Index of Singers Habib Wali Mohammed Page

aaj jaane kii zid na karo
Faiyyaz Hashmi


aaj jaane kii zid na karo 
yuu.N hii pahaluu me.n baiThe raho 
haaye mar jaaye.nge ham to luT jaaye.nge 
aisii baate.n kiyaa na karo 

tum hii socho zaraa kyuu.N na roke tumhe.n 
jaan jaatii hai jab uTh ke jaate ho tum 
tum ko apanii qasam jaan-e-jaa.N 
baat itanii merii maan lo 

gesuuyo.n kii shikan hai abhii shabanamii 
aur palako.m ke saaye bhii madahosh hai.n 
husn-e-masuum ko jaan-e-jaa.N 
beKhudii me.n na rusavaa karo 

kitanaa masuum-o-rangiin hai ye samaa 
husn aur ishq kii aaj meraaj hai 
kal kii kis ko Khabar jaan-e-jaa.N 
rok lo aaj kii raat ko 

vaqt kii qaid me.n zindagii hai magar 
chand gha.Diyaa.N yahii hai.n jo aazaad hai.n 
in ko kho kar kahii.n jaan-e-jaa.N 
umr bhar na tarasate raho 

Available in Album(s):
Ghazals and Geets (private recording)
Melodies of Habib Wali Mohammed

Home | Index of Singers Habib Wali Mohammed Page
Maintained by Nita Awatramani
URL: http://www.ghazalsingers.com
Last updated on: 20th June, 2001