Home | Index of Singers Jagjit_Chitra Page

kis ko qaatil mai.n kahuu.N kis ko masiihaa samajhuu.N
Ahmed Nadeem Qasmi

kis ko qaatil mai.n kahuu.N kis ko masiihaa samajhuu.N
sab yahaa.N dost hii baiThe hai.n kise kyaa samajhuu.N

vo bhii kyaa din the kii har vaham yakii.n hotaa thaa
ab haqiiqat nazar aaye to use kyaa samajhuu.N

dil jo TuuTaa to kaii haath duaa ko uThe
aise maahaul me.n ab kis ko paraayaa samajhuu.N

zulm ye hai ke hai yaqtaa terii begaanaaravii
lutf ye hai ke mai.n ab tak tujhe apanaa samajhuu.N

Available in Album(s):

Home | Index of Singers Jagjit-Chitra Page
Maintained by Nita Awatramani
URL: http://www.ghazalsingers.com
Last updated on: 20th June, 2000