dil ke diivaar-o-dar pe kyaa dekhaa
Sudarshan Fakir

dil ke diivaar-o-dar pe kyaa dekhaa
bas teraa naam hii likhaa dekhaa

terii aa.Nkho.n me.n hamane kyaa dekhaa
kabhii qaatil kabhii Khudaa dekhaa

apanii suurat lagii paraa_ii sii
jab kabhii hamane aa_iinaa dekhaa

haaye! a.ndaaz tere rukane kaa
vaqt ko bhii rukaa rukaa dekhaa

tere jaane me.n aur aane me.n
hamane sadiyo.n kaa faasalaa dekhaa

phir na aayaa Khayaal jannat kaa
jab tere ghar kaa raastaa dekhaa