Home | Index of Singers Jagjit_Chitra Page

saamane hai jo use log buraa kahate hai.n
Sudarshan Fakir

saamane hai jo use log buraa kahate hai.n
jisako dekhaa hii nahii.n usako Khudaa kahate hai.n

zindagii ko bhii silaa kahate hai.n kahanevaale
jiinevaale to gunaaho.n kii sazaa kahate hai.n

faasale umr ke kuchh aur ba.Daa detii hai
jaane kyuu.N log use phir bhii davaa kahate hai.n

cha.nd maasuum se patto.n kaa lahuu hai "Fakir"
jisako mahabuub ke haatho.n kii hinaa kahate hai.n

Available in Album(s):

Home | Index of Singers Jagjit-Chitra Page
Maintained by Nita Awatramani
URL: http://www.ghazalsingers.com
Last updated on: 20th June, 2000